牙齒壞死就要剝牙嗎？瞭解一下深層補牙-杜牙根

經常有顧客咨詢我哋維港口腔「牙齒壞死了？咁即係只能剝牙？醫生，我先三十幾歲，就要缺牙了嗎？」

牙科醫生：「唔使緊張，其實仲可以選擇杜牙根嘅。」

顧客：「杜牙根？即係咩治療？」

「杜牙根」係根管治療，一種為保留牙齒嘅療程。由於牙髓內充滿不同細胞，包括血管及牙齒嘅神經線，當有特別嘅發炎及內部感染，如牙齒蛀蝕深入、補牙物料及裂痕，都會使細菌有機可乘，使牙神經線及血管細胞死亡，令牙齒壞死。然而，除非牙齒難以救治，否則都會建議選擇杜牙根，延長牙齒壽命，畢竟牙齒亦係身體嘅一部份。

杜牙根，亦可說成係「深層嘅補牙」，不過因為神經線等各樣組織已經壞死，不能只處理牙嘅表面，更加要處理到裡面嘅發炎。而第一步，通常都係作出非手術性嘅根管治療，過程當中會局部麻醉顧客，並對牙中間嘅牙髓組織進行消毒清潔。然後，會於牙齒中間開洞，將所有受蛀部分清除。呢過程中，會根據牙齒情況找出各條根管嘅入口，每隻牙都會用不同數目嘅根管，大牙通常會用幾條以上，因此治療次數及時間都會比門牙更耐。

接著，會用特別而幼細尖銳嘅儀器，沿著根管清潔，擴充根管位置，從而注入藥水沖洗及消毒。將所有根管都清潔乾淨後，會施藥殺菌，並再觀察一至兩星期。若覆診時，牙齒不適症狀完全消除，而根管治療亦徹底完成，就會以特別物料封死牙根內清潔過嘅位置，從而減低細菌重新滋生嘅機會。

杜牙根後，牙齒通常較為脆弱，容易咬崩、咬裂，因此牙套等保護措施十分重要，通常都會建議所有症狀消失後，即刻套上牙套，否則細菌很容易重新鑽入洞內，感染牙齒組織，又或係因為咬碎、咬崩牙齒，導致要剝牙。

提前預約可享受免費照X光、立體CT、問診檢查，詳情請撥打電話： +852 69326599（香港）  +86 13266902280（深圳）

推薦閱讀：

深圳睇牙邊間好

深圳牙科收費價目